कोहलपुर : बाँकेमा कोरोना भाईरसको संक्रमण फैलिँदै बढ्दै गएपछि आइसोलेशन सेन्टर र कोभिड १९ युनिटको सोमवार अनुगमन गरिएको छ ।
प्रमुख जिल्ला अधिकारी रामबहादुर कुरुम्वाङको नेतृत्वमा कोहलपुर नगरपालिकाले ब्यवस्थापन गरेको आइसोलेशन सेन्टर र मेडिकल कलेज कोहलपुरअन्तर्गत कोभिड १९ युनिटको अनुगमन गरिएको हो ।
प्रमुख जिल्ला अधिकारी कुरूम्वाङ र नेपाली सेनाका कर्णेल नकुल थापाले कोहलपुर नगरपालिकाबाट स्थापना गरि सञ्चालनमा ल्याइएको १० बेडको आइसोलेशन सेन्टर र नेपालगन्ज मेडिकल कलेज कोहलपुर शिक्षण अस्पतालले सञ्चालन गरेको कोभिड १९ यूनिटको अनुगमन तथा निरीक्षण गरेका हुन् ।
अहिलेसम्म बाँकेमा स्थापना गरिएका आइसोलेशन र क्वारेन्टिनको यसरी सरकारी तवरबाट अनुगमन हुन सकेको थिएन् ।
