नेपालगञ्ज : बाँकेमा एकैदिन ठुलो सँख्यामा कोरोना संक्रमित निको भएर डिस्चार्ज भएका छन् । जिल्लाका विभिन्न आइसोलेशन सेन्टरमा बस्दै आएका ७३ जना कोरोना संक्रमित निको भएर डिस्चार्ज भएका हुन् ।
योसँगै बाँकेमा कोरोना मुक्त हुनेको संख्या १ हजार ३ सय ३७ पुगेको छ । अहिले जिल्लाका विभिन्न आइसोलेशन तथा होमआइसोलेशनमा अझैं ३ सय २६ जना संक्रमित उपचाररत छन् ।
जिल्लामा संक्रमितको संख्या १ हजार ६ सय ७४ पुगेको छ भने ११ जनाको मृत्यु भइसकेको छ । बाँकेमा कोरोना संक्रमितको निको हुने दर ७९ दशमलव ८७ प्रतिशत रहेको छ ।
