खजुरा (बाँके) : बाँकेको खजुरा गाँउपालिकामा सोमवारदेखि निषेधाज्ञा लागु गरिएको छ । गृहमन्त्रालयको पत्रानुसार सोमवार राती १२ बजेदेखि भाद्र २७ गते राती १२ बजेसम्मका लागि निषेधाज्ञा जारी गरिएको बाँकेका प्रमुख जिल्ला अधिकारी रामबहादुर कुरुम्वाङले जानकारी दिए ।
खजुरा क्षेत्रमा कोरोनाको जोखिम बढ्दै गएपछि गाँउपालिकाको अनुरोधमा निषेधाज्ञा जारी गरिएको कुरुम्वाङले सामाजिक सञ्जालमार्फत जानकारी दिए ।
नेपालगञ्ज गुलरिया सडकखण्डको कपास विकास समितिदेखि विपि प्रतिक्षालयसम्मको सडकदेखि दायाँबायाँ ५ सय मिटरसम्मको क्षेत्रमा निषेधाज्ञा जारी गरिएको हो । निषेधाज्ञाको अवधिमा अत्यावश्यक सेवाका सवारी साधनबाहेक अन्य सबै प्रकारका सेवा सञ्चालन तथा हिँडडुलमा समेत प्रतिवन्ध लगाइएको छ ।
