सदरलाइनडटकम,
कोहलपुर : बाँकेको राप्तीसोनारी गाउँपालिका अगैयामा सोमवार भएको ट्रयाक्टर दुर्घटनामा दुई जनाको मृत्यु भएको छ । सिक्टा सिचाइँ आयोजनाको ब्यारेजबाट राप्ती नदीमा ट्रयाक्टर खस्दा बेपत्ता भएका चालकको शव भेटिएपछि दुई जनाको मृत्यु भएको पुष्टि भएको हो ।
सिक्टा सिचाइँ आयोजनाको ब्यारेजबाट सोमवार दिउँसो ना ७ त ५१८ नम्बरको ट्रयाक्टर नदीमा खस्दा तीन जना बेपत्ता भएका थिए । दुर्घटनालगत्तै बेपत्ता एकजनाको जिवितै उद्धार गरिएको थियो भने वेपत्ता भएका मध्ये राप्तीसोनारी गाउँपालिका–३, भगौतीपुरका २६ बर्षीय पूर्णबहादुर थारुको सोमवार बेलुका शव फेला परेको थियो ।
उनीसँगै वेपत्ता भएका ट्रयाक्टरका चालकको मंगलवार दिउँसो शव फेला परेको प्रहरीले जनाएको छ । राप्ती नदीमा बेपत्ता चालक सुनील चौधरीलाई ब्यारेजको बाँध तलबाट सशस्त्र प्रहरी बल शमशेरगञ्जको गोताखोर टोलीले फेला पारेको प्रहरीले बताएको छ । सोमवार अबेरसम्म खोजि गरिएपनि रात परेपछि मंगलवार विहानदेखि उनको खोजी शुरु गरिएको थियो ।
राप्ती नदीमा बेपत्ता दुबै जनाको शव भेटियो
२ असार २०७७, मंगलवार १४:०१
