सदरलाइनडटकम,
नेपालगञ्ज : कोबिड–१९ नोबल कोरोना भाईरसको संक्रमणबाट जोगिन आव्हान गरिएको लकडाउन बाँकेमा बिस्तारै खुकुलो हुने भएको छ ।
ब्यवसायीहरुको मागलाई मध्यनजर गर्दै लामो समय जारी रहेको लकडाउन अब बार अनुसार बिभिन्न पसल, व्यवसाय खोल्न दिईने भएको छ । जिल्ला प्रशासन कार्यालय बाँकेमा बुधबार बसेको सर्वदलीय बैठकले दिन तोकेर विभिन्न पसल, व्यवसाय खोल्न दिने निर्णय गरेको हो ।
जिल्ला प्रशासन कार्यालय बाँकेले सो बैठकको निर्णय सार्वजनिक गर्दै जारी सूचना अनुसार आईतबार र बुधबार मोबाईल इलेक्ट्रोनिक, स्टेशनरीर पुस्तक पसल, फोटो स्टुडियो, छापाखाना, फर्निचर र भाँडा पसल खोल्न पाउने निर्णय भएको छ ।
त्यस्तै सोमबार र बिहिवार कपडा, फेन्सी, जुत्ता पसल, कास्मेटिक, चस्मा र गरगहना पसल खोल्न पाउने, मंगलबार र शुक्रबार अटो मोबाईल, कोल्ड स्टोर, जुस, मोटरसाईकल, साईकल र अन्य पसल खोल्न दिईने बताईएको छ ।
बैंकहरु सार्वजनिक बिदाको दिन बाहेक सबै दिन खोल्ने, अत्यावश्यक काम बाहेक ईरिक्सा, अटो र मोटरसाईकलको प्रयोगलाई नियन्त्रण गर्ने, सामाजिक दुरी कायम गर्दै, मास्क र सेनिटाईजरको प्रयोग अनिबार्य गर्ने लगायतका रहेका छन ।
औषधी पसल, दैनिक उपभोग्य सामाग्री, निर्माण सामाग्री, मलखाद र बिउ बीजन दैनिक रूपमा खुल्ने बताइएको छ । यस्तो छ बाँके प्रशासनद्वारा जारी सूचना ।
