सदरलाइनडटकम,
नेपालगञ्ज : मुलुक कै ठूलो समाजसेबी संस्था लायन्स क्लव ईन्टरनेशनल डिष्ट्रिक ३२५ बि–२ मा नयाँ नेतृत्व चयन भएको छ ।
लायन वर्ष २०२०/२०२१ का लागि लायन शंभु नकर्मी डिष्ट्रिक गभर्नर चयन भएका छन् ।यस अघि उनी प्रथम भाईस डिष्ट्रिक गभर्नर रहेका थिए ।
उनीसंगै प्रथम भाईस डिष्ट्रिक गभर्नरमा लायन रामप्रसाद भट्ट र द्वितीय भाईस डिष्ट्रिक गभर्नरमा लायन सि वि चन्दले सर्वसम्मत ‘एश’ मत प्राप्त गरि निर्र्वािचत भएका हुन ।
लयान्स क्लवमा एक वर्ष कार्यकाल हुने गरेको छ । हामी सेवा गर्छौ भन्ने मुल नाराका साथ लयान्स क्लबका सदस्यहरु विपत्तीमा पहेलो ज्याकेट लगाएर समाज सेवामा अग्रपङ्तीमा खटिने गरेका छन् ।
कोरोना भाईरसको संक्रमणको महामारीको कारण ‘भच्युअल’ माध्यामबाट सम्पन्न भएको अधिवेशनमा नव निर्वाचित डिष्ट्रिक गभर्नर, प्रथम र द्वितिय डिष्ट्रिक गभर्नरले सर्वसम्मत ‘एश’ मत प्राप्त गरि निर्र्वािचत भएका हुन ।
यस अघि बाँकेबाट दुई जनाले डिष्ट्रिक गभर्नर भएर क्लवलाई नेतृत्व दिई सकेका छन । लायन सेम शाक्य डिष्ट्रिकका पहिलो डिष्ट्रिक गभर्नर हुनुको साथै लायन मधुसुदन शर्मा रिजालले पनि डिष्ट्रिक गभर्नर भएर क्लबलाई नेतृत्व दिएका हुन ।
