सदरलाइनडटकम 
१८ माघ, नेपालगन्ज : नेपालगन्ज उप–महानगरपालिका वडा नम्वर ७ का वडा सदस्य आइती नेपालीको निधन भएको छ । ४२ वर्षिया नेपालीको बुधबारविहान २ वजे वडा नम्वर ७ आफ्नै निवासमा निधन भएको हो ।
गत २० दिनदेखि अस्वस्थ नेपालीको लखनउनस्थित उपचार सम्भव नभएपछि बुधबार साँझ घर पु¥याइएको थियो । नेकपा माओवादी नगर कमिटि सदस्य समेत रहेकी नेपालीको बे्रनमा टिबी देखिएको पारिवारिक श्रोतले जनाएको छ ।
उनको बुधबार नै सिधनीयाघाटमा परम्पराअनुसार दाहसंस्कार गरिएको छ । उनको निधनले वडावासीलाई अपुरणीय क्षती पुगेको भन्दै श्रद्धाका लागि बुधबार एक दिन वडा कार्यालयको कामकाज पनि रोकिएको वडा अध्यक्ष जुम्मन खाँनले जानकारी दिए ।
यसैवीच उपमहानगरपालिकाका मेयर डा धवल शमशेर राणा र उपमेयर उमा थापामगरले मृतात्मा प्रति हार्दिक श्रद्धाञ्जली अर्पण गर्दै शोक सन्तप्त परिवारलाई भेटेर हार्दिक समवेदनाका साथै सान्त्वना प्रकट गरेका छन् ।
नेपालगन्ज उप–महानगरपालिकाले पे्रस नोटमार्फत पनि मृतात्माप्रति श्रदाञ्जली तथा परिवारमा समवेदना व्यक्त गरेको छ ।
वडा सदस्य आइती नेपालीको मृत्यु
१८ माघ २०७४, बिहीबार १८:५०
