सदरलाइनडटकम 
१५ जेठ, नेपालगन्ज : स्थानीय तहको निर्वाचन बहिष्कार गर्नेदेखि विथाल्नेसम्मका आन्दोलनका कार्यक्रम सार्वजनिक गरेको राजपाका स्थानीय नेताहरुले भने निर्वाचन आयोगले आईतबार आयोजना गरेको नमूना मतदानमा भने भाग लिएका छन् ।
निर्वाचन आयोगले नेपालगन्जमा सोमबार आयोजना गरेको मतदाता शिक्षा अनुक्षणपछिको नमुना मतदानमा निर्वाचनमा सहभागी भएर उनीहरुले मतदान मात्र गरेनन् कसरी आफ्नो मत सुरक्षित गर्न सकिन्छ भनेर जिज्ञासा समेत राखेका थिए ।
उनीहरुको जिज्ञासा बाँकेका प्रमुख निर्वाचन अधिकृत तथा जिल्ला न्यायाधिश तेजनारायण पौडेलले नमुना मतपत्रमा मतहाल्ने तरिकाका बारेमा जानकारी गराएका थिए ।
सो कार्यमा राजपा नेपालका स्थानीय नेता तथा तराई मधेश सद्भावना पार्टीका जिल्ला अध्यक्ष केशवराम बर्मा र राजेन्द्र महतो नेतृत्वको सद्भावना पार्टीका जिल्ला अध्यक्ष लक्ष्मीनारायण बर्माले पनि नमूना मतदानमा भाग लिएर मतदान गरेका थिए ।
सो कार्यक्रममा राजमोका गौरीलाल कार्की, नेमकिपाका रशिद अहमद सिद्दिकी, परिवार दलकी जिल्ला अध्यक्ष लक्ष्मी बस्नेत जनता दलका रबीकान्त गुप्तालगायतका नेताहरुले सो मतदान प्रकृयामा भाग लिएका थिए । 
राजपाका स्थानीय नेता मतदानमा भए सहभागी
१५ जेष्ठ २०७४, सोमबार २०:११
