नेपालगञ्ज : नेपालगञ्ज उपमहानगरपालिका–१६ सुइयाबाट भन्सार छलिको अवैध सामान प्रहरीले बरामद गरेको छ ।
बच्चाको ज्याकेट, टिसर्ट, धोती, कुर्तिलगायतका वेवारिसे लत्ताकपडा बरामद गरिएको जमुनाहा प्रहरीका इन्चार्ज मीनबहादुर विष्टले जानकारी दिए ।
उनका अनुसार एक लाख ३३ हजार ७६० रुपैयाँ मूल्य बराबरको लत्ताकपडासहितको सामान बरामद भएको हो ।
तस्करहरुले भने प्रहरीलाई देखेपछि सामान छाडेर फरार भएका थिए । बरामद गरिएको सामान थप कारवाहीका लागि भन्सार कार्यालयको जिम्मा लगाइएको बाँके प्रहरीले जनाएको छ ।
प्रकाशित मिति : २०७८ माघ २४ गते सोमबार
प्रतिक्रिया दिनुहोस्