नेपालगञ्ज : बाँके प्रहरीले भन्सार छलेर अबैध रुपमा ल्याइएको करिब दुई लाख बढिको सुर्तीजन्य पदार्थ बरामद गरेको छ । जिल्ला प्रहरी कार्यालय बाँकेका अनुसार नेपालगञ्ज उपमहानगरपालिका–१३ कोरियनपुरबाट सो सुर्तीजन्य पदार्थ बरामद गरेको हो ।
जिल्ला प्रहरी कार्यालय बाँकेबाट खटेको प्रहरीको मोबाइल गस्तीटोलीले बेवारिसे अवस्थामा रहेको ‘सुपर पावर’ बाण्डको अन्दाजी मूल्य २ लाख १० हजार बराबरको रहेको जनाएको छ ।
बरामद गरिएको सुर्तीजन्य पदार्थ आवश्यक कारवाहीका लागि नेपालगञ्ज भन्सार कार्यालय पठाइएको बाँके प्रहरी प्रवक्ता तथा प्रहरी नायव उपरिक्षक मधुसुदन न्यौपानेले जानकारी दिए ।
प्रकाशित मिति : २०७८ साउन २६ गते मंगलबार
प्रतिक्रिया दिनुहोस्