नेपालगञ्ज : कोहलपुर नगरपालिका ११ रेडक्रश रोडमा निर्माणाधीन भवनमा एक युवाको शव भेटिएको छ । जिल्ला प्रहरी कार्यालय बाँकेका अनुसार निर्माणाधीन घरमा गाडिएको समरसेबल पम्प नजिकै युवाको शव भेटिएको हो ।
शव नजिकै कैची भेटिएकाले समरसेबल पम्पको मिटर चोर्ने क्रममा ति युवाको करेन्ट लागेर मृत्यु भएको हुनसक्ने प्रहरीले जनाएको छ । बिधान पौडेलको नवनिर्मित घरमा रहेको समरसेबल पम्पको तार काटिएको अवस्थामा रहेकाले चोरी गर्ने नियतले नै ति युवा त्यहाँ पुगेको हुन सक्ने प्रहरीले जनाएको छ ।
मृतकको पहिचान खुल्न सकेको छैन ।
प्रकाशित मिति : २०७७ चैत ९ गते सोमबार
प्रतिक्रिया दिनुहोस्