काठमाण्डौ : भारतीय सेनाका एक कर्णेलले पदोन्नति भएपछि पार्टी आयोजना गर्दै आफ्नै साथीकी पत्नीलाई बलात्कार गरेका छन् ।
श्रीमतीसहित पार्टीमा आएका साथीलाई निजले नशालु औषधि खुवाई बेहोस पारेका थिए । त्यसपछि साथीकी पत्नीमाथि बलात्कार गरेका थिए । पीडित महिला रसियन रहेकी खुलेको छ ।
आफूमाथि बलात्कार गर्न खोजेपछि ती महिलाले विरोध गर्दा कर्णेलले कुटपिटसमेत गरेका छन् । यो घटना आइतबार उत्तर प्रदेशको कानपुरमा भएको हो ।
पीडित महिलासहित उनका पति र एक स्थानीयले सेनाका ती कर्णेलविरुद्ध स्थानीय प्रहरी कार्यालयमा उजुरी दिएका छन् । सेनाले ती सैनिक अधिकारीलाई हिरासतमा लिएको जनाएको छ ।
प्रकाशित मिति : २०७७ मंसिर ३० गते मंगलबार
प्रतिक्रिया दिनुहोस्