नेपालगञ्ज : फगुन २१ गते हुने प्रतिनिधिसभा सदस्य पदको निर्वाचनको मनोनयनको लागि बाँकेमा तयारी पुरा भएको मुख्य निर्वाचन अधिकृतको कार्यालयले जनाएको छ ।
मुख्य निर्वाचन अधिकृत दिपककुमार दाहालले बाँकेका तीनवटै निर्वाचन क्षेत्रमा आज सर्वदलिय बैठक बसेर भोली हुने मनोनयनलाई कसरी मर्यादित र शान्त बाताबरणमा सम्पन्न गर्न सकिन्छ भनेर राजनीतिक दल, स्वतन्त्र उम्मदवार, पार्यवेक्षकसंग बृहद छलफल गरीएको बताए ।
उनले छलफलमा निर्बाचन आचार संहिताले निषेध गरिएको विषयमा छलफल गर्नुको साथै निर्वाचन कार्यालयमा भिडभाड हुन नदिन राजनीतिक दललाई समय तोकिएको जानकारी दिए ।
बाँकेको नेपालगञ्जस्थित पशु सेवा तालिम केन्द्रमा मुख्य निर्वाचन अधिकृतको कार्यालय तथा क्षेत्र नं २ को कार्यालय, क्षेत्र नं १ को राप्तीसोनारी गाउँपालिका, अगैयामा र निर्वाचन क्षेत्र नं २ को कपास विकास समिति, खजुरामा निर्वाचन अधिकृतको कार्यालय स्थापना भएका छन ।
बाँके क्षेत्र नं १ मा ६२ हजार ३ सय ५८ पुरुष ६२ हजार ३ सय ६७ महिला र २ जना अन्य गरी १ लाख २४ हजार ७ सय २७ मतादाता छन् ।
यसैगरी क्षत्रनंं २ मा ५७ हजार १ सय १७ पुरुष ५१ हजार १ सय ६७ महिला र ६ जना अन्यगरी १ लाख ८ हजार २ सय ९० मतदाता रहेका छन् । बाँके क्षेत्र नं तीनमा ५८ हजार ६ सय ६४ पुरुष ५९ हजार ६ सय ८९ महिला र १ अन्य गरि १ लाख १७ हजार ३ सय ३४मतदाता रहेका छन ।
बाँकेमा १३९ मतदान स्थलमा ४ सय मतदान केन्द्र तोकिएका छन । ३ निर्वाचन क्षेत्र रहेको बाँकेमा कुल ३ लाख ५० हजार ३ सय ७१ मतदाता रहेका छन् ।
