नेपालगञ्ज : पूर्वसभामुख तथा नेकपा (माओवादी केन्द्र)का नेता कृष्णबहादुर महराले आफू काठमाण्डौमा षड्यन्त्र गर्नका लागि जाने गरेका बताएका छन् ।
दाङको घोराही उपमहानगरपालिका वडा नं. १४ पुलचोक खोलीगाउँमा नवनिर्मित भवनको उदघटन कार्यक्रमलाई सम्बोधन गर्दै उनले यस्तो बताएका हुन् ।
रमाइलो पारामा काठमाण्डौमा षड्यन्त्र गर्न आफू जाने गरेको बताउँदै उनले आफूले र माओवादी पार्टीले षड्यन्त्र गर्न नजान्ने गरेको बताए । उनले षड्यन्त्र गर्नेहरु महलमा बस्ने, बजारमा बस्ने गरेको बताउँदै गाउँमा सर्वहारा वर्ग बस्ने र त्यही गाउँको उत्थानका लागि माओवादी पार्टीले काम गर्दै आएको बताए ।
महराले चुनाव आउन लागेको र दाङमा आफूले काम गर्नुृ परेको भन्दै केही समय दाङमा नै बस्ने बताए ।
