नेपालगञ्ज : नेकपा एमाले नेपालगञ्ज उपमहानगर वडानं. १२ को कार्यालय उद्घाटन संगै सञ्चालनमा ल्याईएको छ । नेपालगञ्ज नर्सिङ्ग होमपछाडि आँप बगैचा नजिकै सञ्चालनमा ल्याईएको वडा कमिटीका सचिव प्रदिप सापकोटाले जानकारी दिए ।
सो वडा कार्यालय आसन्न स्थानीय निर्वाचनलाई समेत मध्यनजर गर्दै सञ्चालनमा ल्याईएको बताईएको छ । वाडा कार्यालय सञ्चालनमा ल्याउनु अघि एमालेको १० औ महाधिवेशनबाट निर्वाचित केन्द्रिय कमिटि सदस्य तथा लेखासमिति सदस्य, अनुशाशन आयोग तथा वडाबाट नगरकमिटीमा निर्वाचित व्यक्तिहरुलाई स्वागत तथा सम्मान गरिएको थियो ।
एमाले लुम्बिनी प्रदेश कमिटी सदस्य तथा वडाका सल्लाहकार डम्बरराज सुवेदी, वडा कमिटी अध्यक्ष जनकराम भण्डारी, ईन्चार्ज कृष्ण थापालगायतले नव निर्वाचित केन्द्रीय सदस्यहरु मो. हारुण हल्वाई, शान्ति ढकाल, दिपा शर्मालगायतलाई खादा ओढाएर सम्मान गरेका थिए ।
