धनगढी : सुदूरपश्चिम प्रदेशका मुख्यमन्त्री त्रिलोचन भट्ट र प्रधानमन्त्री शेरबहादुर देउवाबीच भेटवार्ता भएको छ ।
प्रधानमन्त्रीनिवास बालुवाटारमा शुक्रबार बिहान मुख्यमन्त्री भट्ट र प्रधानमन्त्री देउवाबीच भेटवार्ता भएको हो । भेटवारर्तामा मुख्यमन्त्री भट्टले सुदूरपश्चिम प्रदेशमा कोरोनाको जोखिम नियन्त्रणका लागि प्रधानमन्त्री देउवालाई सहयोग गर्न माग आग्रह गरेका छन् ।
उनले जतिसक्दो चाँडो कोरोनाविरुद्धको खोप उपलब्ध गराउन माग गरेको मुख्यमन्त्री भट्टका प्रमुख स्वकीय सचिव शिव सिंह ओलीले बताए ।
यस्तै सुदूरपश्चिम प्रदेश सरकार र प्रदेशको समग्र विकासबारे पनि भेटवार्ताका क्रममा छलफल भएको स्वकीय सचिव ओलीको भनाइ छ ।
