नेपालगञ्ज : कोभिड–१९ कोरोना भाईरसको महामारीको संकटबाट निकासका लागि बाँकेबासी सहयोगी मनकारी हातहरूले आ–आफ्नो स्तरबाट सहयोग गरिरहेका छन् ।
नेपालगञ्ज उपमहानगरपालिका वडा नं. १२ बाट सञ्चालित वडा कार्यालयमा आईसोलेसन वार्डका लागि लायन्स क्लब अफ नेपालगञ्ज पञ्चसिलले ५ थान अक्सिजन ग्यास सिलेण्डर उपलब्ध गराई सहयोग गरेको पञ्चसिलका कृष्णादेवी पाण्डेयले बताइन् ।
नेपालगञ्जमा विगत केही दिन अघिदेखिनै अक्सिजन ग्यास तथा ग्यास भरिने सिलेण्डरको कमी हुँदै आईरहेको अवस्थामा भेरी अस्पताल भित्र रहेका कोरोना संक्रमित करीब २ सय ५० बढी बिरामीहरूको लागि अक्सिजन लिक्युडको व्यवस्था गरिएको छ ।
तर नेपालगञ्ज उपमहानगरपालिकाद्धारा सञ्चालित आईसोलेसन वार्डहरूमा हाल पनि चाहिए जति अक्सिजन ग्यास उपलब्ध नभएको अवस्थामा पञ्चसिलद्धारा वडा नं. १२ को आईसोलेसन वार्डलाई उपलब्ध गराईएको ५ थान अक्सिजन ग्यास सिलेण्डरले संक्रमितहरूको लागि लाभकारी हुने बताईएको छ ।
