नेपालगञ्ज : नेकपा एमाले बाँकेले २८ औ मदन–आश्रीत स्मृती दिवस विभिन्न कार्यक्रमको आयोजना गरी मनाएको छ । कोरोना संक्रमणको त्रासको बीचमा नागरिकको सुरक्षामा खटिने प्रहरीलाई मास्क, सेनिटाईजर र हेण्ड ग्लोब्स उपलब्ध गराएको छ ।
एमाले बाँकेका अध्यक्ष सूर्य ढकालले कोरोना संक्रमणको महामारीमा आफ्नो ज्यान जोखिममा पारेर नागरिकको सुरक्षामा खटिने प्रहरीलाई संक्रमणबाट जोगाउनको लागि आवश्यक पर्ने स्वास्थ्य सामग्री उपलब्ध गराइएको बताए ।
उनले मदन–आश्रीत स्मृती दिवसको अवसर पारेर बाँकेका प्रहरी प्रमुख ओमबहादुर रानालाई सो सामग्री हस्तान्त्रण गरेका हुन । स्वास्थ्य सामग्री बुझ्दै प्रहरी उपरीक्षक रानाले एमाले बाँकेद्वारा उपलब्ध गराइएको सामानले कोरोना संक्रमणको बिरुद्ध काम गर्न उर्जा थपिएको बताए ।
