नेपालगञ्ज : कोरोना संक्रमणबाट बाँकेमा ८ जनाको मृत्यु भएको छ ।
होम आइसोलेसनमा बसेकी खजुरा १ बाँकेकी ६४ वर्षीया महिला, भेरी अस्पताल नेपालगञ्जमा उपचाररत कुमाख १ सल्यानकी ६७ वर्षीया महिला, मधुवन ६ बर्दियाका ५८ वर्षीय पुरुष, बैजनाथ ६ बाँकेकी ३५ वर्षीया महिला, खजुरा ३ बाँकेकी ७५ वर्षीया महिला र नेपालगञ्ज ५ बाँकेकी ६१ वर्षीया महिलाको कोरोनाबाट मृत्यु भएको जिल्ला कोभिड–१९ संकट व्यवस्थापन केन्द्र बाँकेका फोकल पर्सन तेज वलीले जानकारी दिए ।
त्यस्तै नेपालगञ्ज मेडिकल कलेज कोहलपुरमा उपचाररत लम्कीचुहा ९ कैलालीका ४० वर्षीय पुरुष र कोहलपुर २ बाँकेका २८ वर्षीय पुरुषको मृत्यु भएको छ ।
योसंगै कोरोनाबाट बाँकेका २२२ जनाको मृत्यु भएको छ भने बाहिरी जिल्लाका १६७ जनाको मृत्यु भएको छ ।
