नेपालगञ्ज : जिल्ला प्रहरी बाँकेले राष्ट्रिय अनुसन्धान बाँकेका सहायक सूचक प्रविन थापा मगर हत्या घटनामा ६ जनालाई पक्राउ गरेको छ ।
बाँके प्रहरीको पहलमा महानगरीय अपराध महाशाखा काठमाण्डौको टोलीले नेपालगञ्ज ६ का १८ वर्षीय विवेक परियारलाई भक्तपुरबाट पक्राउ गरेसँगै उनको बयानका आधारमा थप अरु पक्राउ परेका हुन् ।
घटनाका अभियुक्त परियार दिएको बयानका आधारमा जिल्ला प्रहरी बाँकेले नेपालगञ्ज वसपार्कका ३ जना र कैलालीबाट २ जनालाई शनिवार पक्राउ गरेको प्रहरी स्रोतले जनाएको छ ।
पक्राउ परेका युवाहरु सबै लागुऔषध प्रयोगकर्ता भएको हुनसक्ने प्रहरीको अनुमान छ । गत माघ २ गते नेपालगञ्ज काँरकादोको पूर्व तर्फको खेतमा प्रविणको शव फेला परेको थियो ।
