सदरलाइनडटकम,
नेपालगञ्ज : नेपालगञ्ज उप–महानगरपालिकाको वडा नम्बर १८ ले पनि फोहोर संकलन र ब्यवस्थापनको कार्य थालेको छ । फोहोर संकलन र ब्यवस्थापनका लागि ट्रयाक्टर टोलटोलमा पठाइने वडाध्यक्ष दीपक बर्माले जानकारी दिए ।
वडामा फोहोर संकलन हुन समस्या परेपछि वडा कार्यालयहरुले आन्तरिक बजेटबाट ट्याक्टर खरिद गरि फोहोर ब्यवस्थापनको कार्य शुरु गरेको भन्दै वडाध्यक्ष बर्माले वडाकै ट्रयाक्टर भएपछि सबै टोलमा पुग्न पनि सजिलो भएको बताए । यसअघि वडा नम्बर १ धम्बोझीले पनि ट्रयाक्टरमा वडाको फोहोर संकलन गरिरहेको छ ।
वडा कार्यालयले करिब १२ लाखको लागतमा ट्रयाक्टर खरिद गरेका हुन् । नेपालगञ्ज उपमहानगरपालिकाको धम्बोझी र कारकादौंमा धेरै नयाँ वस्तिहरु थपिने क्रम जारी छ । वस्ती विकाससँगै धेरै नयाँ टोलहरु थपिँदा फोहर संकलन र ब्यवस्थापनमा चुनौती भएपछि वडा कार्यालय आफैले बार्षिक बजेटमा ट्याक्टर खरिद गर्ने योजना राखेको हो ।
वडा नम्बर १ का अध्यक्ष प्रमोद रिजालले टोलटोलमा स्वास्थ्य, सरसफाई र वाताबरणमुलक प्रचार सहित हरेक प्रत्येक टोलमा ट्रयाक्टर पुगिरहेको बताए ।
कारकादौंमा फोहोर ब्यवस्थापन गरिँदै
९ जेष्ठ २०७६, बिहीबार १७:५४
