राष्ट्रकवि घिमिरे आइतवार १००औँ जन्मदिन मनाउँदै

  
  प्रकाशित मितिः आइतवार, अशोज ७, २०७५       | 52 Views   ||

सदरलाइनडटकम,
काठमाण्डौ : राष्ट्रकवि माधव घिमिरे १००औँ जन्मदिन मनाउँदैछन् । १००औँ जन्मदिनका अवसरमा घिमिरे काठमाण्डौ लैनचौरस्थित निवासमै आइतवार विशेष पूजामा सहभागी भएका छन् ।
उनले जीवनका आरोह–अवरोहमा धर्मपत्नी महाकालीले बिनास्वार्थ स्याहार सुसार गरेकीले आफू यो अवस्थामा आइपुगेको प्रतिक्रिया दिए । घिमिरे लमजुङको पुस्तुनमा विक्रम सम्बत् १९७६ आश्विन ७ गते पिता गौरीशंकर र माता द्रौपदीका जेठा छोराका रूपमा जन्मिएका थिए ।
राष्ट्रकवि घिमिरेकी धर्मपत्नी महाकाली सोमवार ८४ वर्षमा पुग्दैछिन् । आफ्नी जीवनसंगिनीको ८४ को पूजा खाने भाग्यमानी श्रीमान् हुन पाउँदा खुशी लागेको भन्दै राष्ट्रकवि घिमिरेले आफू सय वर्ष पुगेकोभन्दा श्रीमती ८४ पुगेको कुराले बढी हर्षित भएको जिकिर गरे ।
राष्ट्रकवि घिमेरेलाई शुभकामना दिन राष्ट्रपति विद्यादेवी भण्डारीलगायत उच्च पदस्थ अधिकारी लैनचौरस्थित उनको निवास पुगेका थिए ।

प्रकाशित मितिः आइतवार, अशोज ७, २०७५     10:22:49 AM  |