नेपालगञ्ज : बाँकेमा प्रतिनिधि सभा निर्वाचनको मनोनयन दर्ताका लागि आवश्यक तयारी पुरा भएको मुख्यनिर्बाचन अधिकृतको कार्यालयले जनाएको छ ।
मुख्य निर्बाचन अधिकृत दीपककुमार दाहालका आनुसार बाँकेका ३ वटै निर्वाचन क्षेत्रमा मनोनयन दर्ताको लागि बिहान १० बजेदेखि सुरु हुने मनोनयन दर्ताका लागि कार्यालयमा उम्मेदवारका साथमा ६ जना लिएर आउने सहमती जुटेको छ ।
‘कार्यालयको गेटसम्म र्याली लियर आउन सकिने तर, कार्यालय भित्र ६ जनालाई मात्र अनुमति दिएका छौ’ मुख्यनिर्बाचन अधिकृत दाहालले भने ।
राजनीतिक दल तथा स्वतन्त्र उम्मेवारहरुले आफुलाई प्राप्त समय अनुसार मनोनयन पत्र दर्ता गराउन जाने तयारी अनुसार पार्टी कार्यालय तथा निर्वाचनका लागि खोलिएका सम्पर्क कार्यालय वरीपरी चहलपहल बढेको छ ।
