नेपालगञ्ज : अनलाइन पत्रकार संघ नेपाल बाँकेले नेपालगञ्ज म्याराथनमा पत्रकारमाथि दुब्र्यबहार गर्ने आयोजक टिमका व्यवस्थापक सौगात शाहलाई कारवाही गर्न माग गरेको छ ।
प्रतियोगिताको समाचार संकलनमा गएका पत्रकारमाथि दुब्र्यबहार गरेर शाहले समाचार संकलनमा रोकसमेत लगाएको घटनाप्रति कडारुपमा भत्र्सना गर्दै संघले यस्तो माग गरेको हो ।
समाचार संकलनमा गएका पत्रकार रुद्र सुवेदीसहितका आधा दर्जन पत्रकारमाथि शाहले दुब्र्यबहार गरी समाचार संकलनमा रोक लगाएका थिए ।
पत्रकारमाथि यसरी दादागिरी मच्चाउने र समाचार संकलनमा रोक लगाई दुव्र्यवहार गरेको भन्दै बाँकेका पत्रकारहरुले उनीमाथि कारवाहीको माग गरेका हुन् ।
यस घटनाका बारे आयोजक संस्था क्रियटिभ हेन्डसका प्रमुख टिएस ठकुरीलाई जानकारी गराउँदा समेत कुनै प्रतिक्रिया नदिएको र यसबारे चासोनै नदेखाएको पत्रकारहरुले गुनासो गरेका छन् ।
घटनामा संलग्न शाहलाई कारवाही नगरी संघ लगायत बाँकेका पत्रकारले आयोजक संस्थाका आगामी सबै कार्यक्रम बहिस्कार गर्ने बताएका छन् ।
प्रतिक्रिया दिनुहोस्