सदरलाइनडटकम 
१३ माघ, नेपालगन्ज : जनसांस्कृतिक महासंघ बाँकेको छैंटौ जिल्ला सम्मेलन माघ १६ गते शहिद दिवशका अवसरमा भब्यताका साथ सम्पन्न हुने भएको छ । सो अवसरमा परिवर्तन एवं सम्बृद्धिका लागि कला, साहित्य र संगीत बिषयक अन्तरक्रिया, बहुभाषिक साहित्यीक गोष्ठि तथा जनबादी सांगितिक कार्यक्रम प्रस्तुत गरिने नेकपा एमाले सांस्कृतिक फांँटका इन्चार्ज अशोक कर्माचार्यले बताएका छन् ।
धेरै समयको अन्तरालपछि एमाले निकट जनबादी कलाकारहरु भेला हुंदै छ । पुराना जनबादी गायकहरुले जनबादी गीत तथा नृत्यहरु प्रस्तुत गर्ने जनसांस्कृतिक महासंघ बाँकेका अध्यक्ष पुर्णिमा पौडेलले बताएकी छन् । जनबादी संगीत र साहित्यलाई उपेक्षा गरेको महसुस भइरहेका बेला त्यसलाई चिर्न र जनबादी साहित्य, संगीतलाई अगाडी बढाउन जिल्ला भेला महत्वपूर्ण हुने पौडेलले बताईन ।
नेकपा एमाले बाँकेका अध्यक्ष अशोक कोइरालाले जनबादी साहित्य, संगीतलाई प्रोत्सहान गर्न पार्टी लागि पर्ने बताएका छन् । भुमिगत राजनीति र राजनीतिक परिवर्तनमा जनबादी संगितको महत्वपूर्ण भुमिका रहेको भन्दै कोइरालाले एमाले बांकेले जनबादी कलाकालहरुलाई संगठित गर्ने बताए ।
जनसांस्कृतिक महासंघ बाँकेको छैंटौ जिल्ला सम्मेलन माघ १६मा हुँदै
१३ माघ २०७३, बिहीबार १३:११
