समाचार सारांश
- भेरी वातावरणीय विशिष्टता समूह (बी–ग्रुप) नेपालगञ्जले प्लान इन्टरनेशनल नेपालको साझेदारीमा बर्दियाका चार नगरपालिकालाई बाढीपछिको तत्काल पुनर्स्थापनाका लागि करिब २८ लाख २५ हजार रुपैयाँ बराबरको वीन्टराइजेशन किट हस्तान्तरण गरेको छ।
- प्रत्येक पालिकाका ५० घरधुरीलाई पुग्ने गरी त्रिपाल, कम्बल, डोरी, पिफोम, पानीको थर्मस, तन्नालगायतका राहत सामग्री उपलब्ध गराइएको हो।
- यसअघि पनि प्रयास–२ परियोजनामार्फत करिब ६९ लाख रुपैयाँ बराबरको खोज तथा उद्धार सामग्री हस्तान्तरण गरिसकेको बी–ग्रुपले विपद् प्रतिकार्यका लागि स्वयंसेवक तालिमसमेत सञ्चालन गर्दै आएको छ।
बर्दिया : भेरी वातावरणीय विशिष्टता समूह बि–ग्रुप नेपालगञ्जले प्लान इन्टरनेशनल नेपालसँगको साझेदारीमा बर्दियाका चार पालिकामा बाढी पश्चात तत्काल पुनस्थापनाका लागि आवश्यक वीन्टराईजेशजन किट हस्तान्त्रण गरेको छ ।
बर्दियाका सबै पालिकाहरुमा विपद् उत्थानशिलता अभिवृद्धिका लागि पूर्वाअनुमानमा आधारित पूर्वकार्य सबलिकरण (प्रयास–२) परियोजना मार्फत गुलरिया, मधुवन, ठाकुरबाबा र बाँसगढी नगरपालिकालाई वीन्टराईजेशजन किट हस्तान्त्रण गरेको बि–ग्रुप नेपालगञ्जका उपाध्यक्ष मिरा खनालले जनाकारी दिईन ।
उनले भनिन–‘ प्रत्येक पालिकाका ५०–५० घरधुरीलाई पुग्ने त्रिपाल, डोरी, पिफोम, कम्बल, पानीको थरमस, तन्नालगायतका बस्तुहरु उपलब्ध गराईएको छ । यसको मूल्य करिव २८ लाख २५ हजार भन्दा केही बढी छ ।’
गुलरिया नगरपालिकाका विपद फोकलपर्सन समेत रहेका वरिष्ट प्रशासकिय अधिकृत मुकुन्द अर्यालले बाढी जन्य विपदले प्रभाव परेकालाई उपलब्ध गराउन सहज हुने वीन्टराईजेशजन किट गुलरिया नगरपालिकालाई उपलब्ध गराएर बी–ग्रुप र प्लानले ठूलो गुण लगाएको बताए ।
ठाकुरबाबा नगरपालिकाका प्रमुख तिलकराम लम्सालले विभिन्न समयमा आउने विपदसंग प्रतिकार गर्नको लागि आवश्यक सामाग्रीसहित सहकार्य गर्ने प्लान नेपाल र बी–ग्रुपप्रति आभार व्यक्त गरे ।
बि–ग्रुप नेपालगञ्ज बाँकेले प्लान इन्टरनेशनल नेपालसँगको साझेदारीमा बर्दियाका सबै पालिकाहरुमा सञ्चालनमा रहेको प्रयास –२ परियोजना अन्तरगत करिव ६९लाख बराबरको खोज तथा उद्दारको सामाग्री यस अघि नै हस्तान्त्रण गरि सकेको छ । साथै परियोजना मार्फत विपद प्रतिकार्यका लागि स्वयमसेवक तालिमलगायतका कामहरु गर्दै आएको छ ।
