नेपालगञ्ज : लुम्बिनी प्रादेशिक अस्पताल बुटवलमा कुष्ठरोग पहिचानका लागि बायोप्सी परीक्षण सुरु भएको छ ।
लुम्बिनी प्रदेशभित्रका सरकारी अस्पतालमा यो सेवा पहिलो सेवा हो । लुम्बिनी प्रादेशिक अस्पतालका मेसु डा इन्द्र ढकालले छाला तथा कुष्ठ रोगसँग सम्बन्धित बिरामी आउने अस्पतालमा यस सेवाले धेरै सहज भएको बताए ।
परीक्षणका लागि अस्पताललाई फेयरमेड फाउन्डेसन नेपाल र इन्द्रेणी ग्रामिण विकास केन्द्रले कुष्ठरोगको बायोप्सी परीक्षण गर्ने उपकरण हस्तान्तरण गरेको छ । उपकरणहरुमा नमुना कन्टेनर र माइक्रोस्कोप लगायत रहेको इन्द्रणीका अध्यक्ष महेन्द्रप्रसाद पाण्डेले बताए ।
