नेपालगञ्ज : अग्रेजी नयाँवर्ष २०२३ लाई भब्यरुपमा सफल पार्न सिद्धार्थ होटेल नेपालगञ्जले चर्चित गायक प्रमोद खरेल टिमको सास्कृतिक कार्यक्रमसहित ‘न्यु इएर इभ’ आयोजना हुने भएको छ ।
सिद्धार्थ होटेल नेपालगञ्जमा चर्चित गायक प्रमोद खरेलको पहिलो पटक ब्यान्डसहितको बिभिन्न रोचक प्रस्तुती रहने होटलका व्यवस्थापक केशव न्यौपानेले सदरलाइन डटकमलाई बताए । ‘नेपालगञ्जबासीलाई न्यु ईयर इभमा मनोरन्जन प्रदान गर्ने उद्देश्यले काठमाण्डौबाट चर्चित गायक खरेलको टिम आउन लागेको हो’ उनले भने ।
उनले नेपालगञ्जमा हुने सो सास्कृतिक कार्यक्रममा स्थानीय ब्यान्ड सहित डिजेको पनि प्रस्तुति रहने बताए । यसैगरी होटेल सिद्धार्थले नयाँ बर्षको अबसरमा आकर्षक छुट सहितका बिभिन्न प्याकेजको ब्यबस्था मिलाएको छ ।
सिद्धार्थ होटेल नेपालगञ्ज मै सबै भन्दा धेरै कोठा भएको चारतारे होटेल हो । सिद्धार्थमा स्वदेशी तथा बिदेशी पर्यटकहरुलाई नेपालगञ्जकै सबै भन्दा उच्च स्थानमा रहेको रुफटप रेष्टुरेन्टबारको पनि सुबिधा छ ।
