नेपालगञ्ज : बाँकेमा मंगलवार थप ७ जनामा कोरोना भाइरस पुष्टि भएको छ । जिल्लाका तीनवटा प्रयोगशालामा ५९ नमुना परीक्षण गर्दा ७ जनामा भाइरस संक्रमण पुष्टि भएको हो ।
नेपालगञ्ज भेरी अस्पतालमा २९ नमुना परीक्षण गर्दा ४ र मेडिकल कलेज कोहलपुरमा २५ नमुना परीक्षण गर्दा ३ जनामा भाइरस संक्रमण पुष्टि भएको हो । बागेश्वरी ल्यावमा ५ नमुना परीक्षण गर्दा सबै नेगेटिभ आएको जिल्ला कोभिड १९ व्यवस्थापन केन्द्रले जनाएको छ ।
मंगलवार संक्रमण पुष्टि भएका मध्ये बाँकेका १ जना छन् । योसँगै बाँकेमा संक्रमितको कुल संख्या १८ हजार ४ सय ३ पुगेको छ ।
यस्तै मंगलवार थप ३ जना डिस्चार्ज भएका छन् । योसँगै डिस्चार्ज हुनेको संख्या १८ हजार २९ पुगेको छ ।
