सदरलाइनडटकम, 
नेपालगन्ज : नेपालगन्जको सुर्खेतरोड नर्सिङ्गहोम अगाडि रहेको भिजन आँखा अस्पतालले नेपालगन्ज–१४ भवानियाँपुरमा एकदिने निशुल्क आँखाशिविर सम्पन्न गरेको छ ।
अस्पतालका नेत्र रोग विशेषज्ञ डा. प्रचन्ड गौतमको नेतृत्वमा भएको सो शिविरमा ३ सय १५ जनाले आँखा जाँच गराएका छन् ।
स्थानीय समाजसेवी ईन्द्रबहादुर थापाको पहलमा आयोजित सो शिविरको नेपालगन्ज उप–महानगरपालिका वडा नं. १४ का अध्यक्ष ओमकारनाथ मिश्रले उद्दघाटन गरेका थिए ।
सो शिविरमा आएका विरामी मध्ये ६४ जनामा मोतिबिन्दु, ७ जनामा जलबिन्दु, ३ जनामा रेटिनासम्बन्धित र १० जना बालबालिकामा आँखा टेडो हुने, आँसु झरीरहने, रातो हुने जस्ता समस्या देखिएको डा. गौतमले जानकारी दिए ।
शिविर स्थानीय महेन्द्र मावि भवानियाँपुरमा आयोजना गरिएको थियो ।
