नेपालगञ्ज : बाँकेका आठै स्थानीय तहमा वर्षेखेतीका लागि कोटा प्रणाली अनुरूप रासायनिक मल वितरण सुरु गरिएको छ ।
कृषि सामग्री कम्पनी लिमिटेड नेपालगञ्जका प्रमुख पुष्पराज श्रेष्ठले कोहलपुर नगरपालिकामा ९ सय ६९ बोरा युरिया, ५ सय ६५ बोरा डिएपी र १ सय ५७ बोरा पोटास वितरण गरेको बताए ।
यसैगरी नेपालगञ्ज उपमहानगरपालिकामा ८ सय ६९ बोरा डिएपी, १ सय ७४ बोरा पोटास र एक हजार ३ सय १४ बोरा युरिया, बैजनाथ गाउँपालिकामा एक हजार १ सय ५१ बोरा, एक हजार ३ सय ८० बोरा युरिया र २ सय ३० बोरा पोटास, खजुरा गाउँपालिकामा १ हजार १ सय ४४ बोरा डिएपी, एक हजार ३ सय ७० बोरा युरिया र २ सय ३० बोरा पोटास मल वितरण गरिएको बताए ।
जानकी गाउँपालिकामा ८ सय ५९ बोरा डिएपी, एक हजार २७ बोरा युरिया र १ सय ७२ बोरा पोटास, डुडुवा गाउँपालिकामा एक हजार १ सय ४३ बोरा डिएपी, एक हजार ३ सय ६५ बोरा युरिया र २ सय २९ बोरा पोटास, राप्तीसोनारी गाउँपालिकामा एक हजार २ सय २८ बोरा डिएपी, एक हजार ६ सय ३३ बोरा युरिया, २ सय ७५ बोरा पोटास र नरैनापुर गाउँपालिकामा ८ सय ९ बोरा डिएपी, ९ सय ६९ युरिया र १ सय ६२ बोरा पोटास मल वितरण गरिएको कार्यालयले जनाएको छ ।
प्रतिक्रिया दिनुहोस्