सुर्खेत : कर्णाली प्रदेशका नवनियुक्त मुख्यमन्त्री यामलाल कँडेलले पद तथा गोपनीयताको शपथ लिएका छन् ।
प्रदेश प्रमुखको कार्यालय परिसरमा आयोजित एक कार्यक्रमका वीच प्रदेश प्रमुख तिलक परियारसमक्ष नेपालको संविधानको धारा १६८ को उपधारा २ बमोजिम नवनियुक्त मुख्यमन्त्री कँडेलले पद तथा गोपनीयताको शपथ लिएका हुन ।
प्रदेश प्रमुख परियारले पद तथा गोपनीयताको शपथ खुवाएसँगै प्रदेशका विशिष्ट व्यक्तिहरुले नवनियुक्त मुख्यमन्त्री कँडेललाई बधाई तथा शुभकामना दिएका छन् ।
नेकपा एमाले कर्णाली प्रदेश सभा संसदीय दलका नेता समेत रहेका नवनियुक्त मुख्यमन्त्री कँडेलले नेकपा माओवादी, एकीकृत समाजवादीको समर्थनमा हिजो नियुक्त भएका थिए ।
