नेपालगञ्ज : बाँकेमा सोमवार थप ८ जनामा कोरोना संक्रमण पुष्टि भएको छ । जिल्लाका तीन वटा प्रयोगशालामा ६६ नमुना परीक्षण गर्दा ८ जनामा भाइरस संक्रमण पुष्टि भएको हो ।
भेरी अस्पतालको प्रयोगशालामा ३५ नमुना परीक्षण गर्दा ६ जना, मेडिकल कलेज कोहलपुरमा १८ नमुना परीक्षण गर्दा १ जना र बागेश्वरी ल्याबमा १३ नमुना परीक्षण गर्दा १ जनामा भाइरस संक्रमण पुष्टि भएको छ ।
सोमवार संक्रमण पुष्टि भएकामध्ये बाँकेका ३ जना छन् । योसँगै बाँकेमा कुल संक्रमितको संख्या १८ हजार ४ सय ५९ पुगेको छ ।
यस्तै सोमवार २ जना डिस्चार्ज भएका छन् । योसँगै जिल्लामा डिस्चार्ज हुनेको संख्या १८ हजार ९५ पुगेको छ ।
प्रकाशित मिति : २०७८ मंसिर ६ गते सोमबार
प्रतिक्रिया दिनुहोस्