नेपालगञ्ज : कोरोना संक्रमणबाट बाँकेमा थप दुई जनाको मृत्यु भएको छ । संक्रमणबाट बर्दिया र दाङका एकएक जना पुरुषको बाँकेमा उपचारका क्रममा मृत्यु भएको हो ।
बर्दियाको गुलरिया नगरपालिका वडा नं. ७ का ७२ वर्षीय पुरुषको भेरी अस्पताल नेपालगञ्जमा उपचारका क्रममा शुक्रवार राती सवा २ बजे मृत्यु भएको छ ।
यस्तै दाङको तुलसीपुर वडा नम्बर १८ का ७० बर्षीय पुरुषको शनिवार विहान पौने ७ बजे नेपालगञ्ज मेडिकल कलेज शिक्षण अस्पताल कोहलपुरमा मृत्यु भएको जिल्ला कोभिड १९ संकट व्यवस्थापन केन्द्र बाँकेका फोकल पर्सन नरेश श्रेष्ठले बताए ।
योसंगै बाँकेमा उपचारका लागि आएका बाहिरी जिल्लाका ६१ जनाको मृत्यु भएको जिल्ला कोभिड १९ संकट व्यवस्थापन केन्द्र बाँकेले जनाएको छ ।
प्रकाशित मिति : २०७७ मंसिर २० गते शनिबार
प्रतिक्रिया दिनुहोस्