बाँकेमा सोह्र जना कोरोनामुक्त

नेपालगञ्ज : बाँकेमा आइतवार थप १६ जना कोरोनामुक्त भई डिस्चार्ज भएका छन् । ११ पुरुष र ५ महिला कोरोनामुक्त भई डिस्चार्ज भएका हुन् ।

योसंगै बाँकेमा कोरोना संक्रमणबाट निको हुनेको संख्या १ हजार ८ सय ९ पुगेको स्वास्थ्य कार्यालय बाँकेका कोरोना फोकल पर्सन नरेश श्रेष्ठले जानकारी दिए । अब ५ सय ३४ जना आइसोलेशनमा छन् । हालसम्म २ हजार ३ सय ६९ जनामा कोरोना पुष्टि हुँदा २६ जनाको मृत्यु भएको छ ।