सदरलाइनडटकम 
४ माघ, नेपालगन्ज : आगामी माघ ११ गतेदेखि २२ गतेसम्म नेपालगन्ज उद्योग वाणिज्य संघको आयोजनामा हुन लागेको प्रादेशिक महोत्सवमा पहिलो पटक बिदेशी स्टलको पनि सहभागिता हुने भएको छ ।
नेपालगन्जको कांरकादो स्थित सडक डिभिजन परिसरमा आयोजना गरिने सो महोत्सवमा भारत, चीन, बंगलादेश र पाकिस्तानका बिभिन्न उत्पादनको सहभागिता रहने आयोजकले जनाएका छन् ।
नेपालगन्ज उद्योग वाणिज्य संघका प्रथम उपाध्यक्ष एवं स्टल व्यवस्थापन उपसमितिका संयोजक अब्दुल बाहिद मन्सुरीका अनुसार नेपालगन्जमा हुन लागेको महोत्सवमा बिदेशी स्टलको पनि सहभागिता हुन लागेको पहिलो पटक हो । सो महोत्सवमा १६ वटा स्टलहरु बिदेशीको हुने जानकारी दिदै मन्सुरीले बिभिन्न गार्मेन्ट उत्पादन, स्काई सप, लगायतका स्टलहरु रहने उनले बताए ।
नेपालगन्जलाई आर्थिकरुपमा बाहिर चिनाउन र महोत्सवमा बढि भन्दा बढि सर्बसाधारणहरुको सहभागिता गराउनका लागि बिदेशी स्टलहरु राख्न लागिएको उनले जानकारी दिएका छन् ।
बहुउदेश्यीय सभागृह तथा प्रदर्शनीस्थल निर्माणका लागि प्रादेशिक महोत्सव आयोजना गर्न लागिएको महोत्सव प्रचार प्रसार उपसमितिका संयोजक बसन्त लामिछानेले जानकारी दिएका छन् । महोत्सवमा बिदेशी सहित तीन सय स्टलहरु रहने छन् ।
प्रादेशिक महोत्सवमा चार देशका स्टल राखिने
४ माघ २०७४, बिहीबार १७:१३
