कोहलपुर (बाँके) : बाँकेको कोहलपुरमा जारी कोहलपुर गोल्डकपको सेमिफाइनलबाट जस्ट जोन फुटबल क्लब नाइजेरिया बाहिरिएको छ ।
खेलाडीहरूको भिसासम्बन्धी समस्या देखिएपछि जिल्ला प्रशासन कार्यालय बाँकेले अध्यागमन कानुनअनुसार प्रक्रिया पूरा नगरी विदेशी खेलाडीलाई प्रतियोगितामा सहभागी नगराउन निर्देशन दिएको थियो ।
यसअघि नेपाल पुलिस क्लबसँग सेमिफाइनल खेल्ने तालिका रहेको नाइजेरियाको स्थानमा अब रोयल फुटबल क्लब कर्णाली प्रदेशले प्रतिस्पर्धा गर्ने भएको छ । विजेता टोली फाइनलमा आयोजक कोहलपुर रेसिङ साहारा क्लबसँग भिड्ने छ ।
बुधबार भएको पहिलो सेमिफाइनलमा लालीगुराँस एसोसियसन क्लब पोखरालाई २–१ ले हराउँदै कोहलपुर रेसिङ साहारा क्लब फाइनल पुगिसकेको छ । प्रतियोगिताको विजेताले ८ लाख र उपविजेताले ४ लाख रुपैयाँ पुरस्कार प्राप्त गर्नेछन् ।
प्रकाशित मिति : २०८३ वैशाख २४ गते बिहीबार
प्रतिक्रिया दिनुहोस्