समाचार सारांश
- निर्वाचन आयोगले उजुरी, योग्यता र दलहरूको जानकारीका आधारमा समानुपातिकको बन्दसूचीबाट ७६ जना उम्मेदवारको नाम हटाएको छ।
- हटाइएकामध्ये कर्जा सूचना केन्द्रको कालो सूची, उमेर नपुगेको, जरिवाना नतिरेको र मतदाता नामावलीसम्बन्धी कारण प्रमुख छन्।
- हटाइने सूचीमा बाँकेका वसन्त कुमार हमाल पनि परेका छन्, जसको विवरण आयोगको वेबसाइटमा सार्वजनिक गरिएको छ।
नेपालगञ्ज : निर्वाचन आयोगले समानुपातिकको बन्दसूचीबाट ७६ जना उम्मेदवारको नाम हटाएको छ । आयोगका प्रवक्ता नारायणप्रसाद भट्टराईले उम्मेवारविरुद्ध परेका उजुरी, उनीहरूको योग्यता र विभिन्न दलबाट आएका जानकारीसमेतलाई आधार बनाएर ७६ जनाको नाम बन्दसूचीबाट हटाएको जानकारी गराएका छन् ।
जस अनुसार, कर्जा सूचना केन्द्रको कालो सूचीमा रहेका २१ जनाको नाम हटाइएको छ । प्रदेश सभाको बन्दसूचीतर्फ नाम कायम भएका २५ जना, आयोगको जरिवाना भुक्तान नगरेका १०, २५ वर्ष उमेर नपुगेका ४, मतदाता नामावलीमा समावेश नभएका १, मतदाता नामावली पिछडिएको क्षेत्रमा नरहेका २, महिलाको ठाउँमा पुरुष उम्मेदवारको रुपमा पेश भएका १, राजनीतिक दलबाट नाम हटाउन अनुरोध भएका १० र अन्य कारणबाट २ जनाको नाम हटाइएको हो ।
यसबारे विस्तृत विवरण आयोगको वेबसाइटमा राखिएको प्रवक्ता भट्टराईले जनाए ।
निर्वाचन आयोगले हटाएकाे समानुपातिकको बन्दसूचीबाट ७६ जना उम्मेदवार मध्ये एक जना बाँकेका समेत परेका छन् । एकल चुनाव चिन्ह चकिया (जाँतो) मा आवद्व वसन्त कुमार हमाललाई समानुपातिक निर्वाचन प्रणाली तर्फको बन्द सुचिमा नाम कायम रहेको भनेर हटाईएको हो ।
हेर्नुहोस् सूची :
