नेपालगञ्ज : भ्रष्टाचार बिरुद्ध पाचौं नेपालगञ्ज वाकाथन भव्यताका साथ सम्पन्न भएको छ । भ्रष्टाचार बिरुद्ध २२ औं अन्तराष्ट्रिय दिवसको अवसरमा आज नेपालगञ्जमा उक्त कार्यक्रम सम्पन्न भएको हो । बिगत चार बर्ष देखि भईरहेको वाकाथनको पाचौं संस्करण भ्रष्टाचार बिरुद्ध क्रियाशिल संस्था बास नेपालको आयोजना र अन्तरालको सहकार्यमा सम्पन्न भएको हो ।
नेपालगञ्जको गणेशमान चो कबाट बिहान ७ बजे शुरु भएको वाकाथन बिपि चोक, त्रिभुवन चोक, सदरलाईन, जिल्ला प्रशासन कार्यालय हुँदै रामलिला मैदानमा पुगेर समापन भएको थियो । ‘भ्रष्टाचार बिरुद्धका लागि सँगै हिँडौं’ भन्ने नाराका साथ भएकोे वाकाथनमा भ्रष्टाचार बिरुद्धका नाराहरु, गितहरु मार्फत सडकबाट नागरिक समाजका प्रतिनिधिहरुले भ्रष्टाचार बिरुद्ध नागरिक ऐक्यबद्धता जनाएका थिए ।
कार्यक्रममा बोल्दै नेपाल सरकारका पूर्ब सचिव, राष्ट्रिय सूचना आयोगका पूर्ब प्रमुख सूचना आयुक्त कृष्णहरि बास्कोटाले देशमा सुशासन र सदाचार बाहालिका लागि सरकार गम्भिर बन्नु पर्ने बताए । सबैले मिलेर सुशासनलाई बढावा दिनुपर्नेमा उनको जोड थियो ।
कार्यक्रममा बोल्दै बाँकेका सहायक प्रमुख जिल्ला अधिकारी महेशकुमार गुरुङले नेपालगञ्ज वाकाथन सुशासनको अभियानमा सकारात्मक पहल कदमी भएको भन्दै सुशासन प्रवद्र्धनका कार्यक्रमहरुमा जिल्ला प्रशासनले सहकार्य गर्ने बताए ।
कार्यक्रममा बोल्दै राप्ती सोनारी गाउँपालिकाका उपप्रमुख मनिशा सिंह थारुले भ्रष्टाचारको अन्त्य गर्न सबैको साथ र सहयोग आवश्यक पर्नुका साथै सुशासन वहालीका लागि नागरिक समाजको खवरदारी आवश्यक पर्ने दावि गरिन् ।
कार्यक्रममा खुला हाजिरी जवाफ प्रतियोगिता सम्पन्न गरिएको थियो । प्रतियोगितामा बिजयि हुन सफल २० जना प्रतियोगिहरुलाई पुरस्कार प्रदान गरिएको थियो । वाकाथनमा विभिन्न संघ, संस्था, शैक्षिक निकाय, संघसंस्थाले ऐक्यबद्धता जनाएका थिए ।
पश्चिम नेपालमा हुने एक मात्र वाकाथनको मूख्य उद्धेश्य भ्रष्टाचार बिरुद्ध सचेतना जगाउने हो । वाकाथनको अर्थ पैदल यात्रा हुन्छ । कुनै निश्चित उद्धेश्य लिएर ठूलो जनसमुदायको सहभागितामा निश्चित दुरी पार गर्नुलाई वाकाथन भनिन्छ ।
भ्रष्टाचार बिरुद्धको वाकाथन पहिलो बर्ष सन् २०२१ मा भएको थियो ।
