नेपालगञ्ज : कैलालीमा एक युवकको घाँटी रेटेर बीभत्स हत्या गरिएको छ।
घोडाघोडी नगरपालिका–८ मा शुक्रबार राति सुर्खेतको चौकुने गाउँपालिका–३ का २८ वर्षीय केशरसिंह बुढाको घाँटी रेटेर हत्या गरिएको हो।
घोडाघोडी गाउँपालिका–८ का १८ वर्षीय बलबहादुर विक र १९ वर्षीय गंगा बुढा क्षेत्रीले बुढाको घाँटी रेटेर हत्या गरेको जिल्ला प्रहरी कार्यालय, कैलालीले जनाएको छ। हत्यामा संलग्न उनीहरूलाई पक्राउ गरी अनुसन्धान भइरहेको छ।
उनीहरूले पसलमा रक्सी खाने बेला आपसी विवादमा भएपछि धारिलो हतियार प्रयोग गरेर बुढाको टाउको रेटेका थिए। सो पश्चात् उनीहरू हतियार र टाउको बोकेर राति नै घोडाघोडी नगरपालिका–३ स्थित अस्थायी प्रहरी पोस्ट पुगेका थिए।
प्रकाशित मिति : २०८२ असोज २५ गते शनिबार
प्रतिक्रिया दिनुहोस्