बैतडी : बैतडीमा बसको ठक्करबाट एक महिलाको मृत्यु भएको छ । प्रहरीले दिएको जानकारी अनुसार मृतक महिला जात्रा हेरेर घर फर्किदै गरेकी थिईन ।
दशरथचन्द राजमार्ग अन्तरर्गत जिल्लाको दशरथचन्द नगरपालिका– १ गुरुखोला विद्यालय गेट नजीक महाकाली यातायातको सु प प्र ०२००१ ख १०१७ नम्बरको बसले ठक्कर दिदा स्थानीय भागरथी लुहारको घटनास्थलमै मृत्युु भएको जिल्ला प्रहरी कार्यालय बैतडीका डीएसपी दिपक रायले बताए ।
देहिमाण्डू मेला हेरी घर फर्कीदै गरेकी महिलालाई सतबाँजबाट देहिमाण्डौ जादै गरेको बसले ठक्कर दिएको हो । बस प्रहरीको नियन्त्रणमा रहेको डिएसपी रायले बताए ।
उनले बस चालकलाई प्रहरीले नियन्त्रणमा लिएर अनुसंधान सुरु गरेको बताए । घटनाको बिरोधमा स्थानीयहरूले चक्काजाम गरेका छन् । पीडित पक्षसँग छलफल गरि राजमार्ग खुलाउने प्रयास भइरहेको प्रहरीले जनाएको छ ।
