रूपन्देही : सहकारी ठगी प्रकरणमा आरोपी राष्ट्रिय स्वतन्त्र पार्टीका सभापति रवि लामिछानेलाई रुपन्देहीमा बयान सकेर पुन कास्की फर्काईएको छ ।
बुटवलको सुप्रिम वचत तथा ऋण सहकारीको बचत रकम अपचलन प्रकरण अन्तर्गत संगठित अपराधको अभियोगमा बयानका लागि रूपन्देही ल्याइएका लामिछानेको बयान सकिएपछि आज शुक्रबार कास्की फर्काईएको हो ।
बिहान पौने ८ बजे नै कास्की लगिने तयारी भए पनि मौसम खराबीका कारण बिमानस्थल खुल्न नसक्दा दिउँसो पौने २ बजेमात्र कास्की उडेको रूपन्देही प्रहरीले जनाएको छ ।
गत मंगलबार कास्कीको पोखराबाट रुपन्देहीको भैरहवा ल्याइएका लामिछानेलाई सरकारी वकिलको कार्यालय रुपन्देहीले मंगलबारदेखि नै नियमित बयान लिइरहेको थियो ।
बुटवलको सुप्रिम सहकारीबाट लामिछानेको नाममा एक करोड ९६ लाख रुपैयाँ गोर्खा मिडिया नेटवर्क प्रालिमा गएको संसदीय विशेष छानबिन समितिको प्रतिवेदनमा उल्लेख भएको कारणले उनलाई बयानको लागि रुपन्देही ल्याईएको थियो ।
प्रतिक्रिया दिनुहोस्