नेपालगञ्ज : वाल विवाह र लैंगिक हिंसाविरुद्ध सचेतनामूलक सडक नाटक देखाइएको छ । बाँकेको खजुरा गाउँपालिका–४ श्री जानकी मावि प्राँगड तथा जानकी गाउपालिका–४ मानपुर गाउंको मुख्य सडकमा सडक नाटक प्रर्दशन गरिएको हो ।
इन्सेकद्वारा बाल अधिकार समूह श्री जानकी मावि जानकी गाउपालिका–४ जानकी र मानव अधिकार सचेतना समूह खजुरा तथा इन्सेकको आयोजनामा सडक नाटक देखाइएको हो ।
जानकी मावि जानकी गाउपालिका–४ सहायक प्रधानाध्यापक ललित बहादुर खत्रीले विद्यालयमा बालबालिकाहरुको ज्ञान सीप क्षमता अभिबृद्धि हुने र समुदायमा सचेतना फैलाउनमा सहयोग गर्ने गरेको भन्दै इन्सेकलाई धन्यवाद दिए । साथै बालअधिकार समूह र विद्यालय परिवार समन्वयका साथ कार्यक्रम गरेको र आगामी दिनमा पनि गर्ने बताए ।
इन्सेकले विगत २ वर्षदेखि मानव अधिकार गठन गरि उक्त विद्यालयमा विभिन्न सचेतनात्मक तथा बालबालिकाहरुको क्षमता अभिबृद्धि गर्ने, समुदायमा सचेतना गराउदै आएको जसको प्रभावले बालविवाह र घरेलुहिंसा न्युनिकरणमा सहयोग पुग्ने इन्सेक जिल्ला सहजकर्ता लक्ष्मी थारुले बताइन् ।
