नेपालगञ्ज : जमुनाहा नाकाबाट लागूऔषध ब्राउनसुगरसहित एक जनालाई प्रहरीले पक्राउ गरेको छ ।
भारतको रुपईडिहाबाट जमुनाहा नाका हुँदै नेपालगञ्ज आउँदै गरेका सुर्खेतका २१ वर्षीय राज वलीलाई नेपालगञ्ज–१५ जमुनाहा चेकपोष्टबाट इलाका प्रहरी कार्यालय जमुनाह र लागूऔषध ब्युरोको संयुक्त टोलीले २ ग्राम ब्राउनसुगरसहित पक्राउ गरेको जिल्ला प्रहरी बाँकेले जनाएको छ ।
प्रहरीको टोलीले शंका लागेर वलीलाई चेकजाँच गर्दा उनको जुत्ताबाट २ ग्राम ब्राउनसुगर र २ थान मोबाइल बरामद गरेको हो ।
पक्राउ परेका वलीसंग थप अनुसन्धान भइरहेको जिल्ला प्रहरी कार्यालय बाँकेले जानकारी दिएको छ ।
प्रकाशित मिति : २०८० माघ १३ गते शनिबार
प्रतिक्रिया दिनुहोस्