नेपालगञ्ज : बाँकेको राप्तीसोनारीमा मोटरसाइकल दुर्घटना हुँदा एक जनाको मृत्यु भएको छ । मृत्यु हुनेमा ठाकुरसिंह थारूको रहेका छन् ।
भे ७ प २८९८ नम्बरको मोटरसाइकल राप्तीसोनारी– ५, चिलरियाको भित्री खण्डमा बैजापुरदेखि चिलरिया जाँदै गर्दा दुर्घटना भएको थियो ।
भरत बादीले चलाएको मोटरसाइकलको पछाडी थारू बसेका थिए । दुर्घटनामा गम्भीर घाइते भएका उनलाई उपचारका लागि नेपालगञ्ज मेडिकल कलेजमा ल्याइएको थियो ।
उपचारको क्रममा बिहान ४ः३० बजे मृत्यु भएको हो । प्रहरीले मोटरसाइकल र चालकलाई नियन्त्रणमा लिएको छ ।
प्रकाशित मिति : २०८० माघ २ गते मंगलबार
प्रतिक्रिया दिनुहोस्