नेपालगञ्ज : दाङको घोराहीमा टिप्परको ठक्करबाट मोटरसाइकल सवार दुई युवकको मृत्यु भएको छ ।
जिल्ला प्रहरी दाङका अनुसार तुलसीपुरबाट घोराहीतर्फ जाँदै गरेको रा १ क १३०७ नम्बरको टिप्परले घोराहीबाट तुलसीपुरतर्फ आउँदै गरेको रा २ प ५५८९ नम्बको मोटरसाइकललाई शुक्रवार राती साढे १० बजे घोराही–१० झारबैरा चोकमा ठक्कर दिएको थियो ।
ठक्करबाट गम्भीर घाइते भएका मोटरसाइकलमा सवार प्यूठान झिमरुक गाउँपालिका–४ बाङ्गेका १७ वर्षीय विशाल जिसी र नौबहिनी गाउँपालिका–६ लुङका १८ बर्षीय सागर केसीको उपचारका क्रममा राप्ती स्वास्थ्य विज्ञान प्रतिष्ठान घोराहीमा मृत्यु भएको दाङ प्रहरीले जानकारी दिएको छ ।
![](https://sadarline.com/wp-content/uploads/2023/06/355735841_163168713323414_6806641009584846467_n.jpg)
![](https://sadarline.com/wp-content/uploads/2023/10/Ntc-add-1-.jpg)
मोटरसाइकलमा सवार दुई युवक नातामा मामा–भान्जा रहेको प्रहरीले जनाएको छ ।
प्रहरीले ठक्कर दिने टिप्पर र रुन्टीगढी गाउँपालिका– ९ रोल्पा घर भएका २६ वर्षीय चालक इश्वर बुढालाई नियन्त्रणमा लिएर अनुसन्धान भइरहेको जनाएको छ ।