नेपालगञ्ज : दाङको घोराहीमा आफ्नै बाबुको कुटपिट गरेर हत्या गरेको आरोपमा छोरा पक्राउ परेका छन् ।
जिल्ला प्रहरी कार्यालय दाङले घोराह–५ दलजितपुरका ५१ वर्षीय प्रेमबहादुर केसीको हत्या गरेको आरोपमा २८ वर्षीय छोरा सन्तोष केसीलाई पक्राउ गरेको हो ।
सन्तोषले आफ्नै बुवालाई बिहीवार बाबुको मुख हेर्ने दिन राती ९ बजेतिर कुटपिट गरेका थिए । छोराको कुटाइबाट गम्भीर घाइते भएका प्रेमबहादुरको उपचारका क्रममा शुक्रवार बिहान ३ बजे नेपालगञ्ज मेडिकल कलेज कोहलपुरमा मृत्युु भएको प्रहरीले जानएको छ ।
प्रहरीका अनुसार यसअघि पनि पक्राउ परेका सन्तोषले बुवालाई मदिरा सेवन गरी पटकपटक कुटपिट गर्दै आएका थिए ।
बिहीवार रातीनै पक्राउ परेका सन्तोषसँग प्रहरीले घटनाबारे थप अनुसन्धान गरिरहेको दाङ प्रहरीले जानकारी दिएको छ ।
