काठमाडौँ : काठमाडौमा पूर्वराजा ज्ञानेन्द्र शाहको स्वागतमा उत्रेका राजावादीहरुले पूर्वराजा र भारतको उत्तरप्रदेशका मुख्यमन्त्री आदित्यनाथको पोष्टर बोकेर हिडेको देखिएको छ ।
लामोसमयसम्म पोखराको बसाईपछि आइतबार काठमाडौँमा फर्किएका पूर्वराजा ज्ञानेन्द्रलाई स्वागत गर्न त्रिभुवन विमानस्थल बाहिर पुगेका उनका सर्मथकले भारतको उत्तरप्रदेशका मुख्यमन्त्री आदित्यनाथको पोष्टर बोकेर पुगेको विषय विवादित बनेको छ । आदित्यनाथको पोष्टरमा राज संस्था पुनः स्थापना गरौँ भन्ने उल्लेख छ ।
आदित्यनाथ र ज्ञानेन्द्रको ठुलो पोष्टर बनाएर राजवादीहरु उपस्थित भएपछि अहिले राजावादीहरुको सक्रियतामा उत्तरप्रदेशका मुख्यमन्त्रीको सहयोग रहेको आशंका हुन थालेको छ । पूर्वराजा ज्ञानेन्द्रले पनि पटक पटक आदित्यनाथसँग उत्तर प्रदेश पुगेरै भेट गर्ने गरेको तथ्य बाहिरिएको थियो । तस्वीर : सामाजिक सञ्जाल
