नेपालगञ्ज : बाँकेमा शनिवार थप २८ जनामा कोरोना भाइरस संक्रमण पुष्टि भएको छ । जिल्लाका तीनवटा प्रयोगशालामा १०५ नमुना परिक्षण गर्दा २८ जनामा कोभिड संक्रमण पुष्टि भएको हो ।
भेरी अस्पतालमा ६, मेडिकल कलेज कोहलपुरमा २० र बागेश्वरी प्रयोगशालामा २ जना गरि थप २८ जनामा भाइरस संक्रमण पुष्टि भएको जिल्ला कोभिड ब्यबस्थापन केन्द्रका फोकल पर्सन तेज ओलीले जानकारी दिए ।
शनिवार संक्रमण पुष्टि भएकामध्ये बाँकेका १५ जना छन् । योसँगै बाँकेमा कुल संक्रमितको संख्या १७ हजार ८ सय ९४ पुगेको छ । यस्तै शनिवार २२ जना डिस्चार्ज भएका छ्न । यो संगै डिस्चार्ज हुनेको संख्या १७ हजार ४ सय ३६ पुगेको छ ।
जिल्लामा सक्रिय संक्रमितको संख्या अहिले १७५ रहेको ओलीले बताए ।
