बर्दिया : बर्दियाको बढैयाताल गाउँपालिका वडा नम्वर ८ कण्ठपुर स्थित कालिका प्रहरी चौकीमा कार्यरत प्रहरी जवान कुसल बहादुर खाम्साले प्रहरी चौकी परिसर भित्रै झुण्डिएर आत्महत्या गरेका जिल्ला प्रहरी कार्यालय बर्दियाका डिएसपी होम बहादुर शाहीले जानकारी दिए ।
पाल्पा स्थायी ठेगाना हाल बर्दियाको कालिका प्रहरी चौकीमा कार्यरत २५ वर्षीय कुशल खाम्चाले गएराती आत्म हत्या गरेका हुन् ।
उनले प्रहरी चौकी परिसर भित्रकै रुखमा पासो लगाएर झुन्डिएका हुन् । उनको दरबन्दी खजुरा गण भई हाल बर्दिया बढैयाताल गाउँपालिका ८ स्थित कालिका प्रहरी चौकी कण्ठपुरमा प्रहरी जवानका रूपमा कार्यरत रहेका थिए ।
